Bu gün Brüsseldə NATO-Rusiya Şurasının iclası keçiriləcək. Görüşdə 3 sənədin imzalanması gözlənilir. Bunlar 2010-cu il üçün NATO-Rusiya Əməkdaşlıq Planı, 21-ci əsrdə təhlükəsizlik məsələlərinə birgə baxış və NATO-Rusiya Şurasının məqsədləri adlı sənədlərdir.
Ötən ilin avqustunda Rusiyanın Gürcüstana hərbi müdaxiləsindən və Cənubi Osetiya və Abxaziyanın müstəqilliyini tanımasından sonra NATO Moskva ilə danışıqları dondurmuşdu. Ötən ilin avqustundan bu yana ilk dəfədir ki, Rusiyanın və NATO ölkələrinin xarici işlər nazirləri bir araya gələcəklər.