Bu gündən Avropa Birliyində islahatlar aparılmasını nəzərdə tutan məşhur Lissabon müqaviləsi qüvvəyə minir. Noyabr ayında Birliyin son üzvü Çexiya Respublikası da bu müqaviləni ratifikasiya edib.
“Avropa Birliyinin prezidenti” vəzifəsinin yaradılmasını nəzərdə tutan Lissabon müqaviləsinin məqsədi daha səmərəli xarici siyasət yürüdülməsini və üzv dövlətlər arasında qərar qəbulu sistemini rəvanlaşdırmağı təmin etməkdir.
Birlik dövlətlərinin liderləri qurumun ilk prezidenti olaraq Belçikanın baş naziri Herman Van Rompeyi seçiblər.