Avropa Şurası Nazirlər Komitəsinin Monitorinq Qrupu - “AQO” - noyabrın 23-26-da Azərbaycana səfər edəcək. Məqsəd Azərbaycanın Avropa Şurası qarşısında öhdəliklərini yerinə yetirməsini qiymətləndirməkdir.
Avropa Şurasının Bakıdakı informasiya ofisindən verilən məlumata görə, səfər zamanı nümayəndə heyəti Azərbaycan prezidenti, parlamentin spikeri, ədliyyə, xarici işlər və daxili işlər nazirləri, Ali Məhkəmənin və MSK-nın sədrləri, əsas müxalifət partiyalarının, aparıcı KİV və QHT-lərin nümayəndələri ilə görüşlər keçirəcək.