Keçid linkləri

2024, 31 May, Cümə, Bakı vaxtı 03:25

«Nazir demir ki, mən hansı qanunu pozmuşam»


«Cənab nazir mənim peşə fəaliyyətimdən narazıdır»
«Cənab nazir mənim peşə fəaliyyətimdən narazıdır»
«Daxili işlər naziri Ramil Usubovun mənə qarşı iddiası üzrə məhkəmənin hazırlıq iclası keçirilsə də, indiyə qədər naziri və DİN-i hansı ağır cinayətdə ittiham etdiyimi bilmirəm». Bunu AzadlıqRadiosuna «Femida 007» qəzetinin baş redaktoru, hüquqşünas Əyyub Kərimov deyib.

Onun sözlərinə görə, Daxili İşlər Naziri Ramil Usubov məhkəməyə xüsusi ittiham qaydasında müraciət edərək Əyyub Kərimovun müsahibələrində daxili işlər orqanlarının şərəfinə toxunduğunu iddia edir:

«İddia ərizəsində 2008-ci il oktyabrın 3-də «Azadlıq» qəzetində çap olunan müsahibəmdə polis orqanlarını xüsusi ağır cinayətlərdə ittiham etdiyim iddia olunur. Sonradan bu müsahibə «Femida 007» qəzetində də çap olunub. Ancaq nə həmin, nə də başqa müsahibələrimdə nə naziri, nə də daxili işlər orqanlarını təhqir etməmişəm. Əlimdə olan bir neçə fakta əsasən yalnız tənqidi fikirlərimi səsləndirmişəm».

Əyyub Kərimov deyir ki, bu açıq-aşkar onun peşə fəaliyyətinə – redaktorluğuna edilən təzyiqdir:

«Cənab nazir mənim peşə fəaliyyətimdən narazıdır. Bu, ölkədə söz azadlığına qarşı təzyiq kimi dəyərləndirilməlidir. Nazir məhkəməyə müraciət edib ancaq dəqiq göstərməyib ki, mən hansı qanunu pozmuşam. Məsələnin qərəzli olduğu göz qabağındadır».

Əyyub Kərimov noyabrın 26-sı saat 11.30-da Yasamal Rayon Məhkəməsində başlayacaq prosesdə sonadək mövqeyini müdafiə edəcəyini deyir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG