Bu gün ABŞ prezidenti Barak Obamanın Asiya ölkələrinə bir həftəlik səfəri başlayır. O, əvvəlcə Yaponiyaya gələcək. İki ölkənin öz aralarındakı çoxillik hərbi ittifaqı nəzərdən keçirəcəkləri bildirilir.
Yaponiyanın baş naziri Yukio Hatoyama ölkəsinin Amerika ilə təhlükəsizlik sahəsində əməkdaşlığını daha da genişləndirmək istəyir. Tərəflər Yaponiyadakı Amerika hərbi bazası ilə bağlı narahatçılıqları da aradan qaldırmaq niyyətindədirlər.
Obamanın səfər çərçivəsində Sinqapur, Çin və Cənubi Koreyaya da getməsi planlaşdırılır.