İran 3 amerikalını casusluqda ittiham edir

İran həbsdə olan 3 amerikalı gənci casusluqda ittiham edib. İranın Baş Prokuroru Abbas Cəfəri İrna agentliyinə deyib ki, iyulun 31-də İraqla sərhəddə saxlanan ABŞ vətəndaşlarıyla bağlı istintaq davam edir, onlara qarşı casusluq maddəsiylə ittiham irəli sürülüb.
ABŞ hökuməti və tutulanların ailələri gənclərin təsadüfən İraq-İran sərhədini keçdiyini bildirib, onların azad olunmasını istəyirdilər.