Müsəlman ölkələrinin ən böyük birliyi olan İslam Konfransı Təşkilatına daxil olan ölkələrin liderləri ticarət məsələlərini və kasıbçılığa qarşı mübarizə tədbirlərini müzakirə etmək üçün bu gün İstanbulda iqtisadi sammitə toplaşırlar.
Sudanın Darfur bölgəsində müharibə cinayətləri törətməkdə təqsirləndirildiyinə görə beynəlxalq axtarışda olan Sudan prezidenti Əl-Bəşir Türkiyəyə səfərini təxirə saldığını bəyan edib.
Avropa Birliyi Sudan prezidentini qəbul etməməsi üçün Türkiyəyə təzyiqlər edirdi. Türkiyə rəsmiləri Bəşiri həbs etmək niyyətində olmadıqlarını bildirmişdilər.