H1N1 virusuna yoluxan xəstələrdən biri bu gün evə buraxılıb. Bu haqda Azadlıqradiosuna Səhiyyə Nazirliyinin şöbə müdiri Viktor Qasımov məlumat verib. Bu son iki gündə xəstəxanadan evə buraxılan ikinci xəstədir.
Noyabr ayında Azərbaycanda üç nəfərdə “donuz qripi” aşkar edilmişdi. Onlardan ikisi sağalaraq evə buraxılıb. İndi Ağ Ciyər Xəstəlikləri İnstitutunda bir xəstə müalicə olunur. Həkimlər onun vəziyyətini kafi qiymətləndirilər.