ABŞ-ın dövlət katibi Hillari Klinton Berlin divarının dağıdılmasının ildönümü ilə bağlı Berlindəki çıxışında deyib ki, bu cür ayırıcı divarlar indi də var.
Bu divarlar nihilist düşüncə tərzi olan, tərəqqinin başqalarına yayılmasını qəbul etməyən, qızları sadəcə məktəbə getmək istədiyinə görə şikəst edən insanlarla müasir fikirli insanlar arasındadır: “O gecə berlinliləri divarı dağıtmağa vadar edən həmin idealların əhəmiyyəti bu gün heç də azalmayıb. Həmin gecə qələbə çalmış azadlıqlar bu gün heç az dəyər kəsb etmir” – deyə Klinton çıxışında deyib.