Hökumətin xəbərdarlığına məhəl qoymayaraq bu gün İran müxalifəti kütləvi etiraz nümayişləri keçirməyə hazırlaşır. Bu gün Amerika səfirliyinin girov götürülməsinin 30-cu ildönümü münasibətilə hökumət də tədbir təşkil edir.
Tehranın anti-qiyam birliyinin rəhbəri general Əli Rza Əlipur polisin etirazçılara qarşı bütün vasitələrdən istifadə edəcəyini bildirib. İnqilab Keşikçilərindən də buna bənzər xəbərdarlıq gəlib.
Xəbərdarlıqlara baxmayaraq, islahatçılara yaxın internet səhifələrində bugünkü nümayişə çağırışlar yerləşdirilib.