Əfqanıstanda prezident seçkilərinin ikinci turundan əvvəl seçki məntəqələrinin yarıdan çoxunun sədri dəyişdiriləcək. Bu addım səsvermənin nəticələrinin saxtalaşdırılmasının qarşısının alınması üçün atılır.
Bu barədə BMT rəsmisi məlumat verib.
Oktyabrən 20-də Əfqanıstan prezidenti Həmid Kərzayi seçkilərin ikinci turuna razılıq verib.
Əfqanıstanda şikayətləri araşdıran xüsusi komissiya avqustun 20-də keçirilən seçkilərdə kütləvi saxtakarlıq olduğunu təsdiqləyib.
İkinci tur noyabrın 7-də keçiriləcək. Həmid Kərzayinin əsas rəqibi keçmiş Xarici İşlər naziri Abdulla Abdulladır.