Sarkisyan Moskvaya gedir

Oktyabrın 12-i Ermənistan prezidenti Serj Sarkisyanın Moskvaya səfəri başlayır.

Gözlənilir ki, o, rusiyalı həmkarı Dmitri Medvedevlə iqtisadi və hərbi-texniki əməkdaşlığa dair danışıqlar aparacaq.

Rusiyanın yerli agentliklərinin məlumatına görə, görüşdə Dağlıq Qarabağ münaqişəsinin tənzimlənməsi məsələsi də müzakirə olunacaq.

Məlumatlarda həmçinin səfərin Rusiya prezidenti Dmitri Medvedevin dəvəti ilə həyata keçirildiyi bildirilir.