Türkiyə və Ermənistan gələn ay saziş imzalayacaqlar

Türkiyə və Ermənistan arasında əlaqələrin qurulması haqda saziş oktyabrın 10-da İsveçrədə imzalanacaq. Türkiyənin baş naziri Rəcəb Tayyib Ərdoğan belə deyib. Onun dediyinə görə, sazişi iki ölkənin xarici işlər nazirləri imzalayacaqlar.

Ermənistan və Türkiyə keçən ay elan ediblər ki, onlar diplomatik əlaqələrin qurulması və sərhədlərin açılmasına çağıran iki sənəd hazırlayıblar.

Həmin protokolların qüvvəyə minməsi üçün onların hər iki ölkənin parlamentindən keçməsi lazımdır.