Avropa Yayım İttifaqı (EBU) «Eurovision 2009» yarışmasında erməni mahnısına səs verən azərbaycanlı izləyicilərin təhlükəsizlik qüvvələri tərəfindən dindirilməsi barədə iddialara Azərbaycan hökumətinin cavabını alıb. «Eurovision TV»nin verdiyi xəbərə görə, EBU-nun Azərbaycandakı tərəfdaşı İctimai Televiziya (İTV) azad və ədalətli səsvermə ilə bağlı öhdəliyinə sadiq olduğunu bildirib. İTV-nin EBU-ya bildirdiyinə görə, iki nəfər Milli Təhlükəsizlik Naizrliyinə çağırılsa da, nazirlik bilavasitə müsabiqədə səsvermə ilə bağlı heç kimin rəsmi, yaxud qeyri-rəsmi sorğu-sual edilmədiyinə zəmanət verib. EBU-nun baş direktoru Jan Revillon deyib ki, o, bəyanatları nəzərə alıb. Amma o, onu da qeyd edib ki, öz ölkənin mahnısından başqa istənilən nəğməyə səsvermə azadlığı müsabiqənin təməl daşlarından biridir: «Səsvermə ilə bağlı anonimlik hüququnun hər hansı şəkildə pozulması, yaxud fərdlərin sorğu-suala çəkilməsi tamamilə qəbuledilməzdir». EBU-nun «Eurovision» Mahnı Müsabiqəsinin keçirilməsi üzrə məsul komitəsi – İstinad Qrupu sentyabrın 11-də Osloda keçiriləcək görüşündə məsələni müzakirə edəcək. |
Buna da bax:
Azadlıq Trend
1
'Rusiya ordusunun Cənubi Qafqazda sülhə töhfə verdiyini görməmişik' – Dövlət Departamenti
2AzadlıqRadiosunda iş imkanları
3Akif Çovdarovun 30 milyon manatlıq əmlakına dair yeni qərar: 9 il davam edən çəkişmə bitdi
4Elmar Məmmədyarov: 'Yəqin ki, bu alınmadı və qərar bölgəni tərk etmələri oldu'
5Paşinyan: 'Mən özümü Ermənistan Respublikası naminə qurban verirəm'
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.