Londonda İsrail-Fələstin münaqişəsi müzakirə olunub

İsrailin baş naziri Benyamnin Netanyağuyla Birləşmiş Ştatların Yaxın Şərq üzrə xüsusi elçisi Corc Mitçel Londonda danışıqlar aparıblar.

Hələlik danışıqların detalları barədə məlumat yoxdu.

Corc Mitçel İordan çayının qərb sahili və Şərqi Qüdsdə yəhudi qəsəbələrinin tikintisinin dayandırılmasına çalışır.

Netanyağu dünən Böyük Britaniyanın baş naziri Qordon Braunla görüşdən sonra bildirib ki, bu məsələdə kompramis tapmağa çalışır.