İyulun 28-də Xorvatiyanın paytaxtı Zaqrebdə güllə atıcılığı üzrə Dünya Çempionatında 25 metr məsafəyə atəş açmaq üzrə yarış davam edəcək. Azərbaycanı təmsil edən İradə Aşumova və Nigar Bağırova 10 metr məsafəyə atəş açmaqda uğursuz çıxış etmişdilər. Onlar 25 metr məsafəyə atəş açmaqda yaxşı nəticə göstərib ilk beşliyə düşsələr Pekin olimpiadasına vəsiqə qazanacaqlar. Bundan da istifadə edə bilməsələr 2007-ci ildə keçiriləcək yarışlardan lisenziya qazanmağa çalışacaqlar.