Keçid linkləri

2024, 28 Mart, Cümə axşamı, Bakı vaxtı 13:00

1:3-3:1 - «Bakı» da uduzdu, «Qarabağ» da


Jurnalistlər «Bakı»-Bazel» oyununu izlərkən
Jurnalistlər «Bakı»-Bazel» oyununu izlərkən
Avqustun 20-də UEFA - Avropa Liqasının təsnifat mərhələsində «Bakı» klubu İsveçrənin «Bazel» klubuna, «Qarabağ» isə Hollandiyanın «Tvente»sinə 1-3 hesabı ilə məğlub olub.

Tofiq Bəhramov stadionunda «Bakı»-«Bazel» oyunu qarşılıqlı hücumlarla başlayib. Birinci hissədə hər iki komandanın qol vurmaq şansları olsa da, bunlar heç bir nəticə verməyib.

İlk hissə qolsuz heç-heçə ilə başa çatıb.

İkinci hissəyə aramsız hücumlarla başlayan «Bakı», 50-ci dəqiqədə Bəxtiyar Soltanovun qolu ilə hesabda irəli keçib. «Bazel»in qollarını 72, 75, 78-ci dəqiqələrdə Ştreller vurub.

Cavab oyunu avqustun 27-də İsveçrədə olacaq. «Bakı» növbəti mərhələyə adlamaq üçün qol buraxmamaq şərti ilə «Bazel»in qapısına ən azı 3 qol
"Bakı"nın oyunçusu sarı kartla razı deyil
vurmalıdır.

Hollandiyada da oyun Azərbaycandan gəlmiş klubun məğlubiyyəti ilə başa çatıb. Hollandiyada «Tvente» klubu ilə qarşılaşan Ağdamın «Qarabağ» komandası 1-3 hesabıyla məğlub olub.

«Qarabağ» 8-ci dəqiqədə hesabı açıb. Qolu Vüqar Nadirov vurub.

Ev sahibləri 38-ci dəqiqədə bərabərlik qolunu vurublar.

Qonzalez fərqlənib. Birinci hissənin son dəqiqəsində «Tvente»li müdafiəçilərin səhvindən istifadə edib qapıçı ilə təkbətək çıxan Vüqar Nadirov «Qarabağ» azakeşlərini sevindirə bilməyib, qapıçı zərbəni qaytara bilib.

Qonzalez 66-cı dəqiqədə daha bir qol vurub. 81-ci dəqiqədə isə Duqlas komandasına 3-cü qolun sevincini yaşadıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG