İran BMT-yə təklif edib ki, nüvə obyektlərinə hərbi zərbələr vurulmasına qadağa tətbiq etsin. Bu təşəbbüs Venada elan olunub. İran bu məsələni sentyabrda – Atom Enerjisi üzrə Beynəlxalq Agentliyin konfransı zamanı müzakirəyə çıxarmaq niyyətindədir.
Diplomatik dairələrin fikrincə, İranın bu təklifinin məqsədi İsrailə təzyiq göstərməkdir. İsrail İranın nüvə obyektlərinə hava hücumu edə biləcəyini istisna etmir. Buna baxmayaraq, İran elan edib ki, İsraildən qorxmur və öz təşəbbüsünü «prinsip məsələsi» adlandırıb.