Pakistanın Taliban lideri Baytulla Məsudun ölüm xəbəri araşdırılır. Onun Amerikanın raket hücumunda öldürüldüyü bildirilir. Xəbər təsdiqlənsə, bu, ABŞ-la Pakistanın Talibanı məhv etmək cəhdlərinə ciddi töhfə olar.
Çərşənbə günü Məsudun qaynatasının Cənubi Vəziristandakı evi raket zərbəsinə tutulub. Pakistan rəsmisi AP-yə deyib ki, ölüm xəbəri rabitə informasiyalarına əsaslanır. Ancaq Pakistan ordusunun sözçüsünün deməsinə görə, Məsudun ölümü hələ təsdiqlənməyib.