ABŞ Özbəkistanla münasibətləri yaxşılaşdırmaq istəyir

ABŞ Özbəkistanla daha yaxşı münasibətlər qurulmasında maraqlıdır. ABŞ Dövlət Katibinin müavini Vilyam Börns bu gün Dəşkənddə prezident İslam Kərimovla görüşdə belə deyib. 2005-ci ilin Əndican hadisələrindən sonra ABŞ-la Özbəkistanın əlaqələri korlanmışdı.

"İnterfax"ın məlumatına görə, Kərimov Börnsün səfərini ABŞ-ın Özbəkistanla praqmatik və konstruktiv münasibətlərin qurulmasında maraqlı olmasının göstəricisi kimi qəbul etdiklərini deyib.