 İnsident Azərbaycan-İran sərhədinin Cəlilabad rayonunun Əsədli kəndi ərazisindən keçən hissəsində baş veribİyunun 18-i axşam saatlarında Azərbaycan-İran sərhədində silahlı insident baş verib. İnsident Azərbaycan-İran sərhədinin Cəlilabad rayonunun Əsədli kəndi ərazisindən keçən hissəsində baş verib. Ərazidə növbə çəkən sərhədçilər iki nəfərin sərhədi qanunsuz olaraq keçmək istədiyini müəyyənləşdiriblər. Onlara əvvəlcə şifahi xəbərdarlıq edilib, lakin sərhəd pozucuları buna məhəl qoymayıblar. Hər iki şəxsin əlində əl qumbarası olub, onlar sərhədçiləri hədələyərək İran tərəfə çəkilməyə başlayıblar. Bunu görən sərhədçilər xəbərdarlıq atəşi açıblar. Atəşdən sonra sərhəd pozucuları əllərindəki qumbaraları partladıblar. Nəticədə hər iki sərhəd pozucusu və Sərhəd Dəstəsinin əsgəri, 1990-cı il təvəllüdlü Elton İsgəndərov həlak olub, sərhəd qoşunlarının zabiti, mayor Vəzir Qafarov isə ağır yaralanıb. Sərhəd pozucularının şəxsiyyəti artıq müəyyənləşib. Bunlar Bakı şəhər sakini, 1986-cı il təvəllüdlü Sadiq Həşimov və 1981-ci il təvəllüdlü, Füzuli rayon sakini Ramin Məmmədovdur. Cəsədlərə baxış keçirilən zaman onların üzərində kompas, dini kitablar və «flash-kart»lar aşkarlanıb. Öldürülən şəxslər saqqallı olub, saatları sağ qollarına bağlayıblar. Onların «Meşə qardaşları» silahlı qruplaşmasının üzvləri - Azər Misirxanov və «Əbdüləziz» ləqəbli Elşənlə yaxın əlaqədə olduqları müəyyən edilib. Həmin şəxslərin dövlət sərhədini qanunsuz keçmələrini Saatlı rayonunda anadan olan, hazırda Qaradağ rayonunun Sahil qəsəbəsində yaşayan 1984-cü il təvəllüdlü Zaur Əliyev təşkil edib. Onun barəsində məhkəmənin qərarı ilə həbs qətimkan tədbiri seçilib. Füzuli rayonu və Sahil qəsəbəsində müxtəlif ünvanlarda aparılan axtarışlar zamanı xeyli miqdarda dini ədəbiyyat, video və CD yazılar, fotoşəkillər aşkarlanıb. Hazırda faktla bağlı Cəlilabad rayon Prokurorluğunda cinayət işi başlanıb. |
Azadlıq Trend
1
Əliyev: 'Azərbaycan və Rusiya daha bir möhtəşəm layihəyə başlayır'
2'AvtoVAZ' sanksiyalardan yayınmaq üçün Azərbaycanda avtomobil istehsal etməyə başlayıb?
3Moskvada Putin-Əliyev görüşü ilə bağlı: 'Sürpriz o ola bilər ki…'
4Ermənistan-Azərbaycan sərhədində ilk dirək [Foto]
5Ruben Vardanyana ailəsi ilə əlaqə saxlamağa icazə verilib
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.