Keçid linkləri

2017, 30 May, çərşənbə axşamı, Bakı vaxtı 15:21

Əli Əhmədov Bernar Fasyeni tənqid etdi


Əli Əhmədov vasitəçiləri belə vərdişlərdən çəkinməyə çağırıb
«ATƏT-in Minsk qrupunun fəaliyyətinin qənaətbəxş olmaması haqqında cəmiyyətdə də fikirlər var. Onlar son vaxtlar məntiqə sığmayan bəyanatlar verirlər». Milli Məclisin mayın 22-də keçirilən iclasında hakim Yeni Azərbaycan Partiyasının icra katibi Əli Əhmədov belə deyib.

O Minsk qrupunun fəaliyyətini, xüsusən də fransalı həmsədr Bernar Fasyeni tənqid edib. «Fransalı həmsədr hesab edir ki, Dağlıq Qarabağ münaqişəsinin həlli ilə Türkiyə-Ermənistan sərhədlərinin açılması eyni məsələ deyil. Mən hesab edirəm ki, bu, artıq vasitəçilik deyil, mövqedir».

Əli Əhmədov bildirib ki, cənab Fasyenin bu açıqlaması vasitəçilik missiyasına sığmır. Hakim partiyanın funksioneri vasitəçiləri belə vərdişlərdən çəkinməyə çağırıb.

Mayın 18-də Bernar Fasye Türkiyəyə səfər edib. Türkiyə mətbuatının verdiyi xəbərə görə isə diplomat vurğulayıb ki, Türkiyə-Ermənistan münasibətlərinin normallaşması və Ermənistanla Azərbaycan arasındakı Dağlıq Qarabağ münaqişəsinin həlli paralel proseslərdir.

Sənin fikrin

Şərhləri göstər

Günün bütün mövzuları

XS
SM
MD
LG