Obamanın iyulda Rusiyaya səfəri gözlənilir

Rəsmi Kreml deyir ki, ABŞ prezidenti Barak Obama iyulun əvvəli Rusiyaya ilk rəsmi səfərini edəcək. Səfərin başqa təfərrüatları açıqlanmayıb. Obama əvvəllər də iyulda Rusiyaya səfər edəcəyini bildirmişdi.

ABŞ-ın əvvəlki prezidenti Corc Buşun hakimiyyəti illərində ABŞ-Rusiya əlaqələri gərginləşmişdi. Buş administrsiyası Rusiya-Gürcüstan münaqişəsində Gürcüstanı dəstəkləyirdi. Bundan əlavə ABŞ-ın Avropada raketdən müdafiə sistemi quraşdırması Rusiyanın etirazına səbəb olmuşdu.