Bugünlərdə Əmək və Əhalinin Sosial Müdafiəsi Nazirliyi Dünya Bankının maliyyə dəstəyi ilə «Ünvanlı dövlət sosial yardımı kursunun proqramı və metodiki göstərişləri» adlı metodiki vəsait çap edib.
Kitabda sosial müdafiə sisteminin mahiyyəti, prinsipləri və onun həyata keçirilmə mexanizmi, sosial müavinətlərin əsas mahiyyəti və verilməsi qaydaları, ünvanlı sosial yardımın mahiyyəti və verilməsi prinsipləri, onun yoxsulluğun azaldılması istiqamətində rolu, bu sahədə beynəlxalq təcrübə, Azərbaycanda aparılan sosial islahatlar və digər məsələləri əhatə edən mövzular əks olunub.