Yunan-roma güləşi üzrə olimpiya çempionu Fərid Mənsurov Almaniyanın Münhen şəhərində müayinədən keçir. Almaniyalı həkimlərin yekun rəyindən sonra onun güləşçi karyerasını davam etdirib-etdirməyəcəyi məlum olacaq. Onurğa sütunundakı zədəyə görə Fərid Mənsurov il yarımdır tam gücü ilə çıxış edə bilmir, son Dünya və Avropa çempionatlarını buraxmalı olub.