Gədəbəydəki qızıl yataqlarında aparılan kəşfiyyat və qazma işləri ümidverici nəticə verib. Bu barədə Böyük Britaniyanın «Anglo Asian Mining PLC» şirkəti məlumat yayıb. Şirkət kəşfiyyat işlərini avqustda tam başa çatdıracağını və ilin sonunda qızıl çıxarmağa başlayacağını bildirib.
«Anglo Asian Mining PLC» indiyəcən kəşfiyyat işlərinə 28 milyon dollar xərcləyib. Bundan əvvəl Ordubad ərazisindəki qızıl yataqlarında aparılan kəşfiyyat işləri qəaətbəxş nəticə vermədiyi üçün şirkət bütün diqqətini Gədəbəydəki yataqlara yönəldib.