Keçid linkləri

2024, 29 Mart, Cümə, Bakı vaxtı 03:21

Dehlidən Londona uçan təyyarə Bakıda məcburi eniş edib


Təyyarə mayın 4-nə keçən gecə, Bakı vaxtı ilə saat 00:32-də Azərbaycan paytaxtından Londona uçub
Təyyarə mayın 4-nə keçən gecə, Bakı vaxtı ilə saat 00:32-də Azərbaycan paytaxtından Londona uçub
Dehli-London marşrutu ilə uçan «Boeing-777» təyyarəsi Azərbaycan paytaxtına məcburi eniş edib

Mayın 3-də Dehlidən (Hindistan) Londona (Böyük Britaniya) uçan «Boeing-777-300 ER» sərnişin təyyarəsi Bakının Heydər Əliyev Beynəlxalq Hava Limanına məcburi eniş edib.

Bu barədə «APA»ya «Azərbaycan Hava Yolları» QSC-nin (AZAL) xidmət rəisi Məhərrəm Səfərli məlumat verib.

M.Səfərlinin sözlərinə görə, mayın 3-də saat 17:21-də Hindistanın «Jet AirWays» aviaşirkətinə məxsus təyyarə Bakıda məcburi eniş həyata keçirib:

«Buna səbəb təyyarənin yük bölməsində yanğının baş vermə təhlükəsi olub. Bakı limanında enən avialaynerdən bütün sərnişinlər düşürdülüb və aeroportda xüsusi zonada yerləşdirilib».

AZAL-ın xidmət rəisi onu da bildirib ki, təyyarədə mövcud olan problem aradan qaldırılandan sonra, «Boeing-777-300 ER» avialayneri mayın 4-nə keçən gecə, Bakı vaxtı ilə saat 00:32-də Azərbaycan paytaxtından Londona uçub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG