ABŞ Fələstin dövlətinin yaradılmasında israr eləyir

ABŞ Yaxın Şərqdə tez bir zamanda Fələstin dövlətinin yarandığını görmək istəyir. ABŞ-ın Yaxın Şərq üzrə xüsusi elçisi George Mitchell aprelin 16-da İsrailin yeni xarici işlər naziri Avigdor Liebermanla görüşdə belə deyib. Lieberman daha öncə Fələstin dövlətinin yaradılması üçün danışıqlardan çəkildiklərini bəyan eləmişdi.

Daha öncə Lieberman İsrail Prezidenti Şimon Perezlə də görüşüb. Prezident nazirə bildirib ki, İranın nüvə obyektlərinə İsrailin mümkün hücumu haqda danışmaq "düzgün" deyil.