Keçid linkləri

Təcili xəbərlər
2021, 15 May, şənbə, Bakı vaxtı 21:16

Dörd kişini döyməkdə ittiham olunan qadının məhkəməsi olub


Dörd kişini döyməkdə ittiham olunan Səyyarə Heydərovanın məhkəməsi nəhayət ki, baş tutub. S.Heydərova «Azadlıq» radiosuna bildirib ki, aprelin 14-də Bakının Suraxanı rayon Məhkəməsində hakim Nurəddin Mustafayevin sədrliyilə keçirilən prosesə zərərçəkənlərdən üçü gəlib: «Dördüncü zərərçəkən isə həbsxanada olduğu üçün onun mühafizəçiylə gətirilməsinə ehtiyac var».

S.Heydərova deyir ki, məhkəmədə şahidlərdən biri ifadəsini xatırlaya bilmədiyi üçün prokuror onun istintaqa verdiyi ifadənin oxunmasını istəyib:

«Amma mən vəsatət qaldırıb buna etiraz etdim. Hakim Nurəddin Mustafayev də bu vəsatəti təmin etdi».

Növbəti məhkəmə prosesi aprelin 21-də keçiriləcək.

S.Heydərova ədalətli məhkəmə tələbi ilə aprelin 8-dən aclıq aksiyasına başlayıb. O, «Azadlıq» radiosuna bildirib ki, ölkə başçısı aksiyasına reaksiya verməyənədək aclığı davam etdirəcək.

S.Heydərova bir müddət əvvəl də aclıq aksiyası keçirib.
XS
SM
MD
LG