Keçid linkləri

2024, 29 Mart, Cümə, Bakı vaxtı 17:25

Azadlığa çıxacaq məhbusların arasında Mirzə Sakitin adı yoxdur


«Azadlıq» qəzetinin satirik yazarı Mirzə Sakitin həbsxanadan buraxılması yubanır
«Azadlıq» qəzetinin satirik yazarı Mirzə Sakitin həbsxanadan buraxılması yubanır
«Azadlıq» qəzetinin satirik yazarı Mirzə Sakitin həbsxanadan buraxılması yubanır. Artıq ikinci gündür ki, onun ailəsi və həmkarları jurnalistin saxlandığı 10 saylı cəzaçəkmə müəssisəsinin qarşısında gözləyirlər.

Həmin həbsxananın rəisi Fikrət İsmayılov bildirib ki, onlar amnistiya ilə bağlı bütün sənədləri, o cümlədən Mirzə Sakitin buraxılması ilə bağlı sənədləri Bakı Şəhər Prokurorluğuna göndəriblər. Hələlik cavab yoxdur.

Cavabın yubanmasına gəlincə, rəis deyir ki, amnistiya düşən 9 min məhbusun sənədini yalnız bir nəfər – Bakı Şəhər prokuroru imzalayır. Buna görə məhbusların buraxılması yubanır.

10 saylı cəzaçəkmə müəssisin qeydiyyat şöbəsinin müdiri Sənan Məmmədov jurnalistlərə bildirib ki, aprelin 7-də azadlığa çıxacaq məhbusların arasında Mirzə Sakitin adı yoxdur.

10 saylı cəzaçəkmə müəssisindən 76 nəfər amnistiyaya düşüb. Bu vaxta kimi cəmi 18 nəfər azadlığa buraxılıb.

Bakı Şəhər Prokurorluğundan isə məsələyə sabah aydınlıq gətirəcəklərini deyiblər.

Parlamentin Amnistiya Aktı martın 19-dan qüvvəyə minib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG