Pakistanda müxalifət liderinə qoyulmuş qadağa ləğv edilib

Pakistanın ali məhkəməsi müxalifət lideri - keçmiş baş nazir Navaz şərif və onun qardaşının rəhbər vəzifə tuta bilməsinə qoyulmuş qadağanı ləğv edib.

Qadağanın ləğvini ölkədə kütləvi aksiyalar keçirən müxalifət tələb edirdi.

Pakistan hökuməti ölkədə yaranmış gərginliyi aradan qaldırmaq üçün martın ortalarında qərarın lığviylə bağlı Ali məhkəməyə müraciət etmişdi.

Pakistan prezidenti Asif Əli Zərdari məhkəmənin qərarını alqışlayıb, bunun ölkədə milli barışığa xidmət edəcəyini deyib.