Keçid linkləri

2024, 28 Mart, Cümə axşamı, Bakı vaxtı 19:42

Taliban polis akademiyasına olan hücumda məsuliyyəti öz üzərinə götürüb


Talibanın Pakistanda yerləşən qolunun rəhbəri Baitulla Məhsud deyir ki, martın 30-u Lahor şəhərində polis akademiyasına olan hücumu onlar təşkil ediblər.

Martın 30-u naməlum silahlılar Lahor şəhərinin qırağında yerləşən akademiya binasına əl qumbarası və avtomat silahlarla hücum eləmişdi. Hücumda akademiyada təhsil alan 8 tələbə öldürülüb.

Bundan sonra binanı mühasirəyə alan polislə silahlılar arsında 8 saat atışma gedib.
Atışmada 20-yə yaxın polis ölüb, daxili işlər katibi Kamal Şahın məlumatına görə, 89 polis yaralanıb.

Polis hücum edənlərdən dördünü öldürüb, 4 nəfərini isə tutub. Hücumçuların 3-ü isə əsir düşməmək üçün özünü partladıb.

Pakistan hakimiyyəti bildirir ki, həbs olunmuş 4 silahlı sorğu-sual edilir. Ölkənin daxili işlər nazirliyinin verdiyi məlumat görə hücum edən yaraqlılar Baitulla Məhsuda sadiq şəxslər olublar və Cənubi Vəziristandan gəliblər.

Baitulla Məhsud Taliban hərəkatı hesab olunan Təhrik-e-Taliban qruplaşmasına rəhbərlik edir. Bu qrup ölkə ərazisində, əsasən də şimalında bir sıra terro aktları törədiblər.
XS
SM
MD
LG