ABŞ, Yaponiya və Cənubi Koreyadan olan nümayəndələr bu gün Vaşinqtonda görüşürlər. Məqsəd Şimali Koreyanın ballistik raket buraxması ehtimalını müzakirə etməkdir. Raket izləyən sistemi olan iki amerikan hərbi gəmisi artıq Yaponiyadan suya buraxılıb.
Rəsmi Pxenyan isə elan edib ki, BMT-də bu məsələnin müzakirəsindən öncə raketin buraxılmasına hər hansı maneçiliyə cəhd “düşməncəsinə hərəkət” kimi qiymətləndiriləcək. Bu isə nüvə proqramına dair altıtərəfli danışıqların kəsilməsinə səbəb olacaq.