QMİ dindarlara müraciət edib

İdarə dindarları bədənə xəsarət yetirməklə qan çıxarılmasına yol verməməyə çağırır Yanvarın 31-də Məhərrəm ayının başlaması ilə bağlı Qafqaz Müsəlmanları İdarəsi (QMİ) dindarlara müraciət edib. Bildirilir ki, fervalın 10-na təsadüf edəcək Aşura mərasiminə (məhərrəmliyin 10-cü gününə) uşaq və qocaların gətirilməsi məsləhət deyil. Səbəb kimi bu mərasimlərdə insanların çox olması və basırığın yaranması göstərilir.



QMİ həmçinin dindarları bədənə xəsarət yetirməklə qan çıxarılmasına yol verməməyə çağırır, əvəzində ehtiyacı olan xəstələrə qan verməyi təklif edir.