Keçid linkləri

2024, 29 Mart, Cümə, Bakı vaxtı 19:59

Bomba zarafatı Danimarka vəlihədini yolundan saxlayıb


Danimarka şahzadəsi Frederik və onun həyat yoldaşı Marinin Amerikaya səfəri gözlənilmədən bir-neçə saat təxirə salınıb.

Bunun səbəbi Kastrup hava limanında onların cangüdənlərinin qaldırdığı həyəcan siqnalı olub.

Şahzadənin təhlükəsizlik xidmətinin əməkdaşlarının təşəbbüsü nəticəsində Kopenhaqendən Çikaqoya uçan SAS aviaşırkətinə məxsus avilaynerə minik dayandırılıb, bomba tapmaq üzrə xüsusi təlim görən itlər təyyarənin yük yeri də daxil olmaqla bütün salonlarını axtarıblar.

Danimarka polisinin veridyi məlumata əsasən, şahzadənin cangüdənləri sərnişinlər arasında bir kişinin zarafatına cavab olaraq həyəcan siqnalı qaldırıblar. Eyni təyyarə ilə uçan 45 yaşlı Yilland şəhərinin sakini gözləmə zalında zaraftla deyib ki, o, təyyarədə bomba gizlədib, amma bunu heç kim görməyəcək, çünki təhlükəsizlik xidməti maymaqdır.

Bunu eşidən kimi cangüdənlər polisə xəbər verərək Frederik və Marini təyyarədən hava limanının qonaq otağına keçiriblər.

Təyyarədə heç bir partlayıcı maddə aşkar edilməyib. Zarafat edən sərnişin polis tərəfindən saxlanılıb.

Skandinaviyada kral ailələri də daxil olmaqla ölkə və hökumət rəhbərləri bir qayda olaraq SAS aviaşrkətnin həyata keçirdiyi marşrutlardan istifadə edir, adi sərnişinlərlə bir təyyarədə uçurlar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG