Keçid linkləri

2024, 28 Mart, Cümə axşamı, Bakı vaxtı 23:28

Xodorkovski daha 22 il həbsdə qala bilər


Xodorkovskinin vəkilləri ona qarşı ittihamları uydurma hesab edirlər
Xodorkovskinin vəkilləri ona qarşı ittihamları uydurma hesab edirlər
Yeni ittihamla üzləşən Rusiyanın keçmiş neft maqnatı Mixail Xodorkovksi martın 3-ü növbəti dəfə məhkəmə qarşısına çıxacaq.

Rusiyanın ən zəngin adamlarından biri olan Xodorkovski 2005-ci ildə həbs olunaraq Çita şəhərindəki həbsxanaya salınıb. «YUKOS» neft şirkətinin keçmiş rəhbəri böyük məbləğdə vergidən yayınmada ittiham olunur və 8 il müddətinə azadlıqdan məhrum edilib. Xodorkovski özü isə bu ittihamları rədd edir.

Budəfəki ittihamda isə onu irimiqyaslı oğurluqda təqsirli bilirlər. Xodorkovskini 900 milyard rublu (25 milyard dollar) mənimsəməkdə ittiham edirlər. Məhkəmədə həmçinin ona qarşı irəli sürülmüş qeyri-qanuni maliyyə əməliyyatları məsələsinə də baxılacaq. Əgər irəli sürülən bu ittihamlar sübut olunarsa o, daha 22 il həbsdə qalacaq.

Xodorkovskinin vəkilləri isə bu ittihamları uydurma hesab edirlər. Tərəfdarları onun siyasi məhbus olduğunu deyirlər və iddia edirlər ki, Kreml qüvvələri onun biznes imperiyasına və siyasi cəhdlərinə son qoymaq istəyir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG