Keçid linkləri

2024, 19 İyun, çərşənbə, Bakı vaxtı 07:48

Day.az-ın yeni rəhbəri İlqar Hüseynovdur


Day.az-ın yeni rəhbəri İlqar Hüseynov
Day.az-ın yeni rəhbəri İlqar Hüseynov
Day.az və Today.az layihələrinin yeni təsisçisi bir qeyri-hökumət təşkilatıdır. Bu məlumatı Lent.az-a layihələrin keçmiş rəhbəri, millət vəkili Anar Məmmədxanov verib. Millət vəkili həmin QHT-nin adını etik qaydalara görə açıqlamaq istəmədi: «Ehtiyac olsa, özləri bu barədə məlumat verərlər».
Məmmədxanovun bildirdiyinə görə, layihələrin satılması ilə bağlı danışıqlar 2 aydır gedirmiş: «Nəhayət, proses başa çatdı və mən artıq təsisçiliyi təhvil verdim».

A.Məmmədxanov Day.az-ın yeni baş redaktorunun adını da açıqlayıb: «Layihəyə rəhbərliyi böyük hörmət bəslədiyim İlqar Hüseynov həyata keçirəcək».
Millət vəkili hələlik yeni layihə barədə fikirləşmədiyini dedi: «Bu barədə hələ düşünmürəm».

Layihənin yeni rəhbəri İlqar Hüseynov 1962-ci ildə Bakıda anadan olub. 1986-cı ildə Moskva Aviasiya İnstitutunun iqtisadiyyat fakültəsini bitirib.

1986-1988-ci illərdə Bakıda neft emalı zavodunda komsomol təşkilatının katibi işləyib.

1988-2000-ci illərdə isə DTK, sonra isə Milli Təhlükəsizlik Nazirliyində çalışıb.

2000-2004-cü illərdə İqtisadi İnkişaf nazirinin məsləhətçisi olub.

2004-cü ildən «TREND» informasiya-analitik agentliyin direktorudur.

Demokratik İslahatlar Partiyasının Siyasi Şurasının üzvüdür.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG