Keçid linkləri

2017, 24 May, çərşənbə, Bakı vaxtı 19:51

Day.az Berezovskiylə müsahibəyə görə bağlanıb?


İlqar Məmmədov REAL-ın təsisçilərindən biridir
Respublikaçı Alternativ İctimai Birliyinin (REAL) məlumatına görə, Day.az saytı Azərbaycan hakimiyyətinin təzyiqi altında bağlanıb. REAL öz bəyanatında monarxiya yaratmağa doğru hərəkət edən hökumət dairələrinin Azərbaycanın ən uğurlu xəbərlər layihəsi olan, materialların internet məkanda nisbətən obyektiv, dolğun və daha plüralist yayılmasını təmin edən day.az portalını bağlamaq qərarından qəzəbləndiyini bildirir.

«Prezident Əliyevin demokratiyadan uzaqlaşması bununla başa çatmır. Biz əminik ki, bu addım bir daha onun ölkədə fikir azadlığı, söz azadlığı, sərbəst toplaşmaq azadlığı, sahibkarlıq fəaliyyətinin bütün əsaslarını tapdalayan monarxiya qurmaq niyyətini nümayiş etdirib», - deyə REAL-ın bəyanatında bildirilir.

Qeyd etmək lazımdır ki, day.az saytı Rusiyanın hakim dairələrini qıcıqlandırırdı. Gürcüstanda avqust münaqişəsi zamanı Rusiyanın diplomatik dairələri Azərbaycan hakimiyyətinə bu saytın Gürcüstandakı hadisələri işıqlandırması ilə bağlı etirazını bildirib.

Maraqlıdır ki, bu günlərdə sayt İngiltərədə yaşayan oliqarx Boris Berezovski ilə müsahibə dərc edib. Bu müsahibədə Berezovski Vladimir Putini korrupsiyada ittiham edib, onun xarici banklardakı hesablarında 40 mliryard dollar vəsait olmasından, Qafqazdakı münaqişələrdə marqlı olmasından danışıb.

Müsahibə internetdə yayıldıqdan bir gün sonra prezident administrasiyasının nümayəndələri gecə yarısı sayt rəhbərliyinin əlaqə telefonlarını axtarıb. Qeyd edək ki, saytın təsisçisi deputat Anar Məmmədxanovdur.

/Turan/

Sənin fikrin

Şərhləri göstər

Günün bütün mövzuları

XS
SM
MD
LG