Keçid linkləri

2024, 30 May, Cümə axşamı, Bakı vaxtı 08:26

«Müasir müsavatçı»lar polisin yerini tutacaqlar?


Hafiz Hacıyev: «Onlar dediklərinin əksinə gedəcəyiksə, əlbəyaxa döyüş olacaq…»
Hafiz Hacıyev: «Onlar dediklərinin əksinə gedəcəyiksə, əlbəyaxa döyüş olacaq…»
Müasir Müsavat partiyası müxalifətin icazəsiz aksiyalarının qarşısını almaq niyyətindədir. Bu barədə «Azadlıq» radiosuna partiyanın sədri Hafiz Hacıyev məlumat verib. O deyir ki, əgər müxalifət icazəsiz aksiyalara cəhd göstərərlərsə, onlar da həmin vaxt, həmin meydana üz tutacaqlar:

«Onlar dediklərinin əksinə gedəcəyiksə, əlbəyaxa döyüş olacaq. Bu əlbəyaxa döyüşdən kim qalib çıxacaq - bunu Allah bilir…»

Bəs bu Müasir Müsavat Partiyasının polisin vəzifələrini öz üzərinə götürməsi demək deyil ki?

Hafiz Hacıyev deyir ki, belə etməklə onlar ölkənin imicinin qayğısına qalırlar:

«Bəzən deyilir ki, polis zorakı yollarla vətəndaşların kütləvi aksiyalar keçirməsinin qarşısını alır. Biz istəyirik ki, Qərb ölkələrinə belə bəhanələr verilməsin».

Partiya sədri təşəbbüs qrupu yaratmasalar da, referendumun lehinə fəaliyyət göstərmək niyyətində olduqlarını bəyan edir. Bununla bağlı partiyanın idarə heyətinin fevralın 17-də keçirilən iclasında qərar verilib.

Müxalifət düşərgəsində təmsil olunan təşəbbüs qrupları isə fevralın 22-də kütləvi aksiya keçirmək niyyətindədir. Bakı Şəhər İcra Hakimiyyətinə göndərilən məktubda onlar aksiyanın keçirilmə yeri üçün, «Füzuli» meydanını, Nəriman Nərimanov kinoteatrının qarşısını, Səməd Vurğun bağını və Prezident Aparatının yaxınlığındakı bağı istəyiblər.

Ancaq paytaxt rəhbərliyi bu məktuba hələ ki, cavab verməyib.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG