Qaz sızması nəticəsində daha bir partlayış baş verib

Fevralın 8-də saat 08.30 radələrində Binəqədi rayonu M.Ə.Rəsulzadə qəsəbə sakini Mübariz Məmmədovun evində təbii qazın sızmasından ani partlayış baş verib.

Nəticədə yanıq xəsarəti almış M.Məmmədov və qonağı Seyhunə Zeynalova xəstəxanaya yerləşdirilib.

Hazırda araşdırmalar aparılır.

Bu barədə «Turan»a Daxili İşlər Nazirliyinin Mətbuat Xidmətindən bildiriblər.