Mayın 30-da Avstriyanın paytaxtı Vyanada Azərbaycanın tanınmış bəstəkarı Üzeyir Hacıbəyovun abidəsinin açılışı olacaq. Abidənin müəllifi, Azərbaycan Rəssamlıq Akademiyasının direktoru, heykəltəraş Ömər Eldarov «Azadlıq» radiosuna bildirib ki, abidə Azərbaycan Nazirlər Kabinetinin qərarı ilə hazırlanıb. Vyana şəhərinin meriyası isə onun Avstriya paytaxtının «Dunay» parkında qoyulmasına qərar verir.