Çinin xarici işlər naziri Britaniyada Çinin Baş nazirinə ayaqqabı atılmasını pisləyib.
Çinin Baş naziri Ven Cia-Bao fevralın 2-də Kembric universitetində qlobal iqtisadiyyatdan danışarkən zaldakılardan biri ona ayaqqabı atıb. Amma Çinin rəsmi kütləvi informasiya vasitələri bu hadisə ilə bağlı məlumat yaymayıblar.
«Xinhua» rəsmi informasiya agentliyindən sadəcə onu deyiblər ki, Britaniya baş verənlərə görə üzr istəyib.
Baş nazirə atılan ayaqqabı onun bir metrliyinə düşüb.
Universitetin təhlükəsizlik xidmətinin əməkdaşları ayaqqabı atanı tutanda o, Çinin baş nazirini diktator adlandırıb.
