Keçid linkləri

2024, 24 İyul, çərşənbə, Bakı vaxtı 04:23

«Azadlıq» radiosunun Naxçıvan müxbirini ölümlə hədələyirlər


Məlahət Nəsibova Naxçıvan bazarında müsahibə alır, 4 noyabr 2007
Məlahət Nəsibova Naxçıvan bazarında müsahibə alır, 4 noyabr 2007
Yanvarın 29-da «Azadlıq» radiosunun Naxçıvan müxbiri Məlahət Nəsibovaya naməlum şəxs zəng edib, onu ölümlə hədələyib. Zəng edən şəxs M.Nəsibovanın Sədərək kəndini biabır etdiyini, bu işə görə ona qarşı tədbirlər görüləcəyini deyib. Hədələyən şəxs Nəsibovanın öldürüləcəyini, ofisinin isə partladılacağını deyib.

M.Nəsibova son zamanlar 72 yaşlı Sədərək sakini İsmayıl Hüseynovun polis zorakılığına etiraz etdiyi üçün psixiatrik klinikaya yerləşdirilməsi faktı üzrə araşdırmalar aparıb. «Azadlıq» radiosunun seriya reportajlarından sonra bu həftə Avropa Birliyinin Cənubi Qafqazdakı xüsusi nümayəndəsinin müşaviri Kler Delessard və ABŞ səfirliyinin müşaviri Coanna Qanson Naxçıvana səfər edib, Sədərək kəndində Hüseynovlar ailəsi ilə görüşüblər.

M.Nəsibova eyni xarakterli hədələrin Reportyorların Azadlıq və Təhlükəsizliyi İnstitutunun (RATİ) Naxçıvandakı əməkdaşının telefonuna da gəldiyini deyir. RATİ əməkdaşı bu telefon zəngini telefonun yaddaşına köçürdüyünü deyir.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG