Yanvarın 29-da günorta saatlarında Bakıda İncəsənət Gimnaziyasına bomba qoyulması barədə xəbər yayılıb.
Gimnaziyanın Müəllimlər otağına zəng edən naməlum şəxs sinif otaqlarının birinə bomba qoyulduğunu bildirib. Şagirdlər dərhal evakuasiya ediliblər.
Fövqəladə Hallar Nazirliyinin əməkdaşları gimnaziyanın binasında axtarış aparıblar, telefon zənginin yalan olduğu aydınlaşıb.