Yanvarın 26-ı Bakı şəhəri Azadlıq prospekti, Şəmsi Bədəlbəyli-106 ünvanında yerləşən dörmərtəbli yaşayış binasının üçüncü mərtəbəsində 91 saylı mənzildə yanğın baş verib.
Nəticədə bina sakinlərindən biri - yataq xəstəsi 83 yaşlı Fərzi Heydərov Klinik Tibbi Mərkəzə yerləşdirilib.
Yanğın ümumilikdə 4 mənzilə ziyan vurub. Yanğının qarşısı hadisə yerinə gələn yanğınsöndürmə maşınları tərəfindən alınıb.
İlkin ehtimala görə, yanğın elektrik naqillərindəki qısaqapanma nəticəsində yaranıb.
/Turan/