Talış Mədəniyyət Mərkəzinin sədri Novruzəli Məmmədov yanvarın 14-dən Bayıl müvəqqəti təcridxanasından 15 saylı xüsusi rejimli koloniyaya köçürülüb. Bundan dərhal sonra o, 15 günlük karserə salınıb.
Bu haqda məlumatı Novruzəli Məmmədovun Hüquqlarını Müdafiə Komitəsi yayıb.
Komitənin məlumatına görə, buna səbəb guya onun hüquq-mühafizə orqanlarının tələblərinə itaətsizliyi olub.
N.Məmmədov ötən il Cinayət Məcəlləsinin 274-cü maddəsi ilə vətənə xəyanətdə ittiham edilərək 10 il müddətinə azadlıqdan məhrum edilib.