Yanvarın 16-da Nəsimi rayonu Cavadxan küçəsi 30 ünvanında yerləşən binada baş vermiş partlayışla bağlı 1988-ci il təvəllüdlü Şirvan şəhər sakini Orxan Əliyev şübhəli şəxs qismində saxlanılıb.
Bu barədə «Turan»a Bakı şəhər Prokurorluğundan bildiriblər.
Məlumata görə, O.Əliyev partlayış baş vermiş binadakı mənzillərdən birində qohumunun evində müvəqqəti yaşayırmış.
Faktla bağlı açılmış cinayət işi üzrə istintaq davam edir.
Beşmərtəbəli binada baş vermiş partlayış nəticəsində 5 nəfər həlak olub, 10 nəfərsə xəsarət alıb.
Faktla bağlı Cinayət Məcəlləsinin 314.2-ci (ağır nəticələrə səbəb olan səhlənkarlıq) maddəsi ilə cinayət işi başlanılıb.
