Müsavat Partiyası İctimai Televiziya və Radio Yayımları Şirkətinin baş direktoru İsmayıl Ömərova müraciət ünvanlayaraq bu il martın 18-nə təyin olunmuş referendumla bağlı efir vaxtı istəyir.
Partiya bildirir ki, İTV ölkədəki aparıcı qüvvələrin ideya və düşüncələrini cəmiyyətə çatdırmağa borcludur:
«Bu müraciətlə konstitusiyada antidemokratik dəyişiklikləri nəzərdə tutan referendumla bağlı öz mövqeyimizin xalqa çatdırılması üçün İctimai Televiziyada ayrıca efir vaxtının ayrılmasını nəzərdə tuturuq. Bizim bu müraciətimiz həm Seçki Məcəlləsinə, həm də «Siyasi partiyalar haqqında» qanuna əsaslanır».