Gürcüstanın BMT-dəki keçmiş səfiri İrakli Alasania prezident Mixail Saakaşvilinin siyasətini tənqid edib və erkən seçkilər keçirməyə çağırıb. Tbilisidə mətbuat konfransında çıxış edən Alasania Saakaşvilini həm də avtoritar qərar qəbul etməkdə, avqustda Rusiya ilə münaqişədən qaça bilməməkdə ittiham edib. Gürcüstan mətbuatında İrakli Alasania ölkənin qabaqcıl siyasi fiqurlarından və Saakaşvilinin potensial rəqiblərindən biri kimi təqdim olunur.