Keçid linkləri

2017, 29 Aprel, şənbə, Bakı vaxtı 07:56
Həbsdə olan jurnalistlər Qənimət Zahid və Mirzə Sakit atalarının yas mərasiminin «yeddisi»nə kimi azadlıqda olacaqlar. Ədliyyə naziri yanında penitensiar xidmətə nəzarət üzrə ictimai komitnin Ədliyyə Nazirliyinə müraciətindən sonra belə addam atılıb.

Xəbəri «Azadlıq» radiosuna ictimai komitənin koordinatoru Sahib Məmmədov verib. Onun sözlərinə görə, Qənimət Zahid və Mirzə Sakit bununla bağlı komitəyə yazılı müraciət ünvanlayıblar.

Azərbaycanın həbsdə olan jurnalistlərdən ikisinin Qənimət Zahid və Mirzə Sakitin atası dekabrın 2-də yaşadığı Şamaxı rayonunda vəfat edib. Dekabrın 3-də saat 18-dək qardaşlara dəfn mərasimində iştirak üçün icazə verilmişdi.

Mirzə Sakit 3 il yarım, Qənimət Zahid 4 illiyinə həbs olunub. Beynəlxalq təşkilatlar hər iki jurnalistin tənqidi yazılarına görə həbsdə olduğunu bildirib, hökuməti onları azad eləməyə çağırıblar.


Sənin fikrin

Şərhləri göstər

Günün bütün mövzuları

XS
SM
MD
LG